संगतले हैन समयले बिगारेको हो मलाई(गजल)

संगतले हैन समयले बिगारेको हो मलाई

प्राचीनताले हैन आधुनिकताले श्रिङ्गारेको हो मलाई

समयको गतिमा अधि बढ्न नसक्ने

जनताले हैन वर्गले धिक्कारेको हो मलाई

माथि चढ्दा खुट्टा तान्ने प्रसस्तै छन् यहाँ

क्षमताले हैन प्रकियाले झारेको हो मलाई

बौद्धिकतालाई बलको सहारामा निमिटान्न पारि

रहरले हैन बाध्यताले यहाँ पारेको हो मलाई

कैयन् कृतिम सिमाना त नाधेकोथिए समाजको

परिवर्तन नचाहने तत्वले नै वारेको हो मलाई