ब्रेक अप

टुक्रिएर झरेका ती मनहरूलाई सँगालेर

ओइलाई सकेका आशाका त्यान्द्रोहरूलाई हुर्काएर

दबेको त्यो पुरुषत्वलाई फेरि ब्यूँताउँदै

हार मानिसकेको हिम्मतहरूलाई जुटाउँदै

हराएको आफूलाई फेरिपनि बटुल्दै

निराशावादको भुमरीमा विलीन सपनाहरू

अब छुट्टै वेग लिएर उछिट्टिएका छन्

तिम्रो दुखको क्षण होला त्यो सायद

तर पनि खबरले मन बिछट्टिएका छन्

तिम्रो घृणाले जलाउन नसकेको

तिम्रो दुर्व्यवहारले पनि गलाउन नसकेको

अचेत , अमूर्त, अपरिवर्तनशील

कुनै दरबारका दीवारहरु जस्तै अढिक

मेरो तिमी प्रतिको भावना आज फेरि

नागबेलीको लहरा जसरी सलबलाई रहेछन्

तिम्रो ब्रेक अपको खबरले।