फुत्कन नसकिने जन्जिरमा बेरेर गई (गजल)

फुत्कन नसकिने जन्जिरमा बेरेर गई

अनगिन्ती मीठा यादहरूले घेरेर गई,

नयाँ यात्री थिए नयाँ यात्रा थाल्दै थिए

लगिन साथमा बस एक फेर हेरेर गई

हृदयको पन्नामा नयाँ कथा लेखै भने

लत्याई मेरा कुराहरू त्यहीँ केरेर गई

चखेवा हेरि दिनरात ईर्ष्या गरि बस्थी,

बनौं न चखेवा जस्तो भन्दा नटेरेर गई,

उसका मादक यादहरू छुट्टिँदैनन् अब

जवानीमै रातको परिभाषा फेरेर गई।।